ފުރަތަމަ ދުވަހުން ފެށިގެން ތަޢުލީމް ބާރުވެރިކުރުން
ދަރަޖަ އެކަޑަމީ އަށް މަރުޙަބާ
ތަޢުލީމާއި އީމާނާ އެކު ޒުވާން ސިކުންޑިތައް ބާރުވެރިކުރުން. ޤުރުއާނީ ހިކުމަތާއި، ލިޓެރެސީ އަދި ދިރިއުޅުމުގެ ހުނަރުން މާދަމާގެ ލީޑަރުން ބިނާކުރުން.
- 200+ އުފާވެރި ކުދިން
- 19 ޓީޗަރުން
- 75+ ހަރަކާތް
ކުރު ތަޢާރަފެއް
އަޅުގަނޑުމެންގެ ތާރީޚު.
ދަރަޖަ އެކަޑަމީ އުފެދިފައިވަނީ 2022 ވަނަ އަހަރު، މަތީ ތަޢުލީމުދޭ އަމިއްލަ މުއައްސަސާއެއްގެ ގޮތުގައެވެ. 2024 ވަނަ އަހަރުގެ ޖުލައި މަހުގެ 14 ވަނަ ދުވަހު މަތީ ތަޢުލީމާބެހޭ ވުޒާރާގައި ރަޖިސްޓްރީކުރެވިފައިވާ މި އެކަޑަމީ އަކީ ދައުލަތުން އެކްރެޑިޓްކޮށްފައިވާ، އެމް.ކިއު.އޭ ޤަބޫލުކުރާ، އަދި ބައިނަލްއަޤުވާމީ މަޝްހޫރު ޔުނިވަރސިޓީތަކާ ކޯޕަރޭޝަން އެއްބަސްވުންތައް މެދުވެރިކޮށް ގުޅިފައިވާ މުއައްސަސާއެކެވެ.
މިހެންވެ، މި އެކަޑަމީން ދަސްވެނިވާ ދަރިވަރުންނަށް ސަރުކާރާއި އަމިއްލަ ދާއިރާގެ ވަޒީފާތައް ފަސޭހަކަމާއެކު ލިބިގެންދެއެވެ. އަދި ދަސްވެނިވުމަށްފަހު ރާއްޖެއާއި ރާއްޖެއިން ބޭރުގެ މުއައްސަސާތަކުގައި މަތީ ތަޢުލީމު ކުރިއަށް ގެންދިއުމުގެ ފުރުޞަތުވެސް ލިބިގެންދެއެވެ.
ދިރާސާތަކާއި ތަޢުލީމީ މަސައްކަތްތަކަށް ބޭނުންވާ ފޮތްތަކާއި، ލައިބްރަރީ ޚިދުމަތްތަކާއި، އަދިވެސް އެހެނިހެން ވަޞީލަތްތައް އެކަޑަމީން ދަރިވަރުންނަށް ފޯރުކޮށްދެއެވެ.
އެކަޑަމީގެ ޝިޢާރު
﴿يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ﴾[المجادلة: 11]ތަޞައްވުރު
އެކަށީގެންވާ ޢިލްމީ ފެންވަރުހުރި، ދިވެހި މުވާޠިނުންގެ ވަޠަނީ، ޢިލްމީ އަދި ޡަޤާފީ ހޭލުންތެރިކަން އިތުރުކުރުމުގައި ލީޑަރެއް ކަމުގައިވުން.
ރިސާލަތު
އިސްލާމީ އަދި އިޖުތިމާޢީ ޢިލްމުތަކުގައި ދަރިވަރުންގެ ފެންވަރު ކުރިއެރުވުމާއެކު، އިސްލާމީ ޝަޚުޞިއްޔަތާމެދު ފަޚުރުވެރިވާ، ލީޑަރޝިޕް ހުނަރު ހުރި ދަރިންތަކެއް ބިނާކުރުން.
އެކަޑަމީގެ މަޤްޞަދުތައް
- 01ދިވެހިރާއްޖޭގައި ޒަމާނީ ތަޢުލީމުދޭ ޢިލްމީ މުއްސަސާއަކަށް ވުމަށް މަސައްކަތް ކުރުން
- 02ޢިލްމީތަފާތު ފަންނުތަކުގައި ދިވެހީން ހޭލުންތެރިކުރުމަށް މަސައްކަތް ކުރުން
- 03އުފެއްދުންތެރިކަމަށް ހިތްވަރުދޭ ތަޢުލީމީ މުއައްސަސާއަކަށް ހެދުން
- 04ދިވެހިވަންތަ ޝަޚްޞިއްޔަތު ބިނާ ކުރުމުގައި ޙިއްޞާވުން
- 05ދިވެހި ސަޤާފަތަށް ޚިދްމަތް ކުރުމާއި، ބައިނަލް އަޤްވާމީ ފެންވަރުގައި ދިރާސާތައް ކުރުމާއި މި ދިރާސާތައް ފެތުރުމަށް މަސައްކަތް ކުރުން
- 06ދިވެހިރާއްޖޭގައި އިސްލާމުދީނުގެ މެދުމިން ހޭލުންތެރިކަން ފަތުރައި އިތުރު ކުރުމަށް މަސައްކަތް ކުރުން
- 07ތަޢުލީމީ ތަފާތު ދާއިރާތަކުގައި ޤާބިލު ދިވެހި ދަރިން އިތުރު ކުރުމަށް މަސައްކަތް ކުރުން
- 08ތަފާތު ދާއިރާތަކުން މަތީ ތަޢުލީމުގެ ރޮނގުގައި ކުރިއަށް ދިޔުމަށް ބޭނުންވާ މީހުންނަށް އެހީތެރިވެ ހިތްވަރު ދިނުން
- 09އަތޮޅުތަކާއި ރަށްރަށުގައި އެކަޑަމީގެ ގޮފިތަކާއި ކިލާސްތައް ޤާއިމުކުރުން
- 10ތަޢުލީމީ ތަފާތު މުއައްސަސާތަކާ އެކު ގުޅުން ދެމެހެއްޓުން
- 11ޤައުމީ ތަރައްޤީއަށާއި ކުރިއެރުމަށް ބޭނުންވާ ޢިލްމާއި ފަންނާއި ހުނަރު ލިބިގެންވާ ޤާބިލު ބަޔަކު އުފެއްދުމަށް މަސައްކަތް ކުރުން
- 12އެކަޑަމީން ކިޔަވާދޭ ތަފާތު ކޯސްތަށް ފުރިހަމަ ކުރާފަރާތްތަކަށް ސަނަދު ތައް ދިނުން
- 13އެކަޑަމީގެ މަޤްޞަދުތައް ޙާޞިލުކުރުމަށްޓަކައި ރާއްޖެއާއި ރާއްޖެއިން ބޭރުގެ ތަޢުލީމީ މުއައްސަސާތަކާއެކު ގުޅުން އުފެއްދުމާއި އެއްބާރުލުން ޤާއިމުކުރުން
- 14އެކަޑަމީގެ މަޤްޞަދުތައް ހާޞިލުކުރުމަށްޓަކާ އެކަޑަމީގެ ވަސީލަތްތައް ތަރައްޤީކުރުމަށް މަސައްކަތް ކުރުމާއި އިތުރު ވަސީލަތްތައް ހޯދުމާއި މި ވަސީލަތްތައް ހެޔޮގޮތުގައި ބޭނުން ކުރުން
- 15އިސްވެ ބަޔާންކުރެވުނު މަޤްޞަދުތައް ޙާޞިލު ކުރުމަށްޓަކައި ކުރަންޖެހޭ މިނޫންވެސް ކަންތައްތައް އެކަޑަމީން ޤާއިމު ކުރާ ތަފާތު ޢިލްމީ މަރުކަޒުތައް މެދުވެރިކޮށް ކުރުން
ކިޔަވައިދޭ ދާއިރާތައް
އެކަޑަމީގެ ކިޔަވައިދޭ ދާއިރާތައް
01
ކީރިތި ޤުރްއާނުގެ ދާއިރާ02
އިސްލާމީ ޢުލޫމުގެ ދާއިރާ03
ޝަރިޢަތާ ޤާނޫނުގެ ދާއިރާ04
އެޑިއުކޭޝަން ގެ ދާއިރާ05
އިދާރީ ހިންގުމުގެ ދާއިރާ06
އިޖްތިމާޢީ ޢުލޫމު ގެ ދާއިރާ07
ޓެކްނޮލަޖީ ގެ ދާއިރާ08
ޞިއްޙީދާއިރާ09
ތަފާތު ބަސްތައް